Por lecion-partoprenantoj:

En la paĝo de virtualaj lecionoj vi trovas la liston de la lecionoj. Elektu tiun, kiun vi volas partopreni kaj eniru la virtualan klasĉambron.

En ĝi supre, dekstre vi trovas ligilojn "Elekti lecionon" (por elekti alian lecionon) kaj "Eliri" (por forlasi la virtualan klasĉambron).

Klarigoj pri la butonoj kaj ties uzado:

• Helpo - gvidas al la paĝo kun klarigoj, kiel uzi la virtualan klasĉambron.
• Montri/Kaŝi, kiuj ĉeestas - montras aŭ kaŝas liston de ĉiuj, kiuj partoprenas en la leciono.
• Reiri al la komuna paĝo - partoprenante la lecionon vi povas rigardi aliajn paĝ(ar)ojn. Se vi volas reveni al tiu, kiun montras la instruisto, alklaku ĉi tiun butonon.
• Malŝalti la sonon - malŝaltas la sonon. Tiam la butono ŝanĝiĝas al la jena: . Alklaku ĝin por reŝalti la sonon.
• Elŝuti la lecionon - elŝutas kaj konservas la lecionon en vian komputilon.

Atentu, ke vi devas obei la regulojn! Se vi ĝenas la instruadon, la instruisto rajtas vin bloki. Tiam vi rajtas nur legi, sed ne skribi. Pri tio aperos averto sur ruĝa fono. Kiam la instruisto malblokas vin, aperas atentigo sur verda fono.