Logáil isteach
AN FOCLÓIR VORTARO
Cliceáil ar an gcnaipe seo thuas chun an foclóir a oscailt. Tá soiléiriú ar conas an foclóir a úsáid ar fáil ag "Cabhair".
“La Vortaro”Pilger: “BER”Bick: “Esperanto-dansk”
Cabhair: * ? Tuilleadh....
AN TEACHTAIRE MEANDARACH TUJMESAĜILO
Leis an dteachtaire meandarach seo tig leat comhrá a dhéanamh le húsáideoirí lernu! eile, má tá tacaíocht do Flash suiteáilte ar do riomhaire. Cliceáil ar an gcnaipe seo thuas chun an teachtaire a chur ar siúl. Tuilleadh eolais ar fáil ag "Leathanaigh chabhrach".
Tá na leaganacha teanga seo a leanas cothrom leis an leagan is déanaí: eo ar bg ca cs da de el en es fa fi fr he hsb hu it ja ko lt nl no pl pt ru sk sl sv uk vi zh-cn zh-tw
Vojaĝo en Esperanto-lando
"Vojaĝo en Esperanto-lando. Perfektiga kurso de Esperanto kaj Gvidlibro pri la Esperanta kulturo" estas libro, plena de interesaj kaj utilaj Esperantaj tekstoj, kreitaj de diversaj famaj aŭtoroj. Pro tio la teamo pripensis, ke estus bone, se lernu!-uzantoj povus legi ilin kaj tiamaniere perfektigi siajn sciojn. Ĉe lernu! nun troviĝas kvar partoj de la kurso: 1, 2, 3 kaj 7. Se vi volas legi pliajn tekstojn, vi povas aĉeti libron ĉe .
Ni elkore dankas al la aŭtoro de la kurso, Boris Kolker, pro lia afabla permeso publikigi parton de la kurso.
Pri la dua eldono de mia libro "Vojaĝo en Esperanto-lando. Perfektiga kurso de Esperanto kaj Gvidlibro pri la Esperanta kulturo" aperis multe da pozitivaj recenzoj kaj prezentoj en multaj landoj. Mi klopodos diri al la legantoj ion, kio ne estis dirita antaŭe.
Mi komparus "Vojaĝo"-n kun luksa restoracio, en kies menuo troviĝas cento da bongustegaj, delikataj pladoj (=tekstoj), kiujn oni manĝas dum 26 vizitoj (lecionoj). Tiamaniere oni ne nur ĝuas la vivon, sed ankaŭ plivastigas sian horizonton.
Malgraŭ tio, ke la tekstoj estas diversaŭtoraj, diverstemaj kaj diversspecaj, la leganto havas neklaran senton, ke io ilin unuigas. Sed kio? Mi diros al vi la sekreton: mia persona gusto. Mi zorge elektis nur tiajn tekstojn, kies aŭtoro mi volonte estus. Tial la libro estas mirinde unueca malgraŭ sia granda diverseco.
"Vojaĝo" celas perfektigi krean lingvoregadon, prezenti en facile digestebla formo la Esperantan kulturon kaj igi la vivon de Esperanto-kluboj multe pli varia kaj interesa. Sed tio ne estas ĉio. "Vojaĝo" instigas aĉetadon kaj legadon de bonaj libroj kaj klare nomas tiujn librojn. "Vojaĝo" preparas la studanton por la meznivela ekzameno de UEA/ILEI (por tio sufiĉas detala trastudo de duono de la lernolibro) kaj estas bona bazo (kun kelkaj aliaj libroj) por pli altaj ekzamenoj - supera kaj instrukapabliga.
La ekzercoj en la "Lingva praktiko" estas nebanalaj, evoluigas memstaran pensadon kaj krean fantazion.
Tiu neordinara lernolibro preparas la studantojn fariĝi kompetentaj kursgvidantoj, klubestroj, prelegantoj, redaktoroj, verkistoj, tradukistoj, lingvaj reviziantoj, esploristoj, aktivuloj kaj gvidantoj de landaj kaj internaciaj Esperanto-organizaĵoj.
Sed kial mi diras al vi tion? Havigu al vi ekzempleron de "Vojaĝo" kaj ekposedu ĉion menciitan supre. Via esperantista sorto estas en viaj manoj. Aliĝu al centoj kaj miloj da "vojaĝantoj", kiuj vojaĝas kun plezuro kaj utilo per "Vojaĝo"!
Aktualaj informoj pri "Vojaĝo en Esperanto-lando" kaj pri la komunumo de "vojaĝantoj" estas troveblaj en la retpaĝo: http://eo.wikipedia.org/wiki/Vojaĝo_en_Esperanto-lando.
Boris Kolker,
via ĉiĉerono en Esperanto-lando