Verboj estas tre gravaj en ĉiuj lingvoj, verbo ja funkcias kvazaŭ kiel motoro de frazo. En Esperanto, la verbofinaĵoj estas tre simplaj kaj tute regulaj: -i (bazformo), -is (estinta tempo), -as (estanta tempo), -os (estonta tempo), -us (kondiĉformo), -u (admonformo). Tamen, verboj postulas grandan atenton en Esperanto pro tio, ke kelkaj el ili estas transitivaj (= povas havi objekton) kaj aliaj netransitivaj (= ne povas havi objekton). Do, kiam oni lernas novan verbon oni prefere lernu ankaŭ ĉu tiu estas transitiva aŭ netransitiva. Se oni ne scias tion, malfacilas ĝuste uzi la tre gravajn sufiksojn -ig- kaj -iĝ- kaj participojn de la koncerna verbo.

En tiu ĉi parto ni fokusiĝas je la supraj aferoj per teoriaj klarigoj kaj ankaŭ per diversaj ekzercoj, kiuj helpos vin pli bone kompreni kaj uzi verbojn en Esperanto.

Bonan verbumadon!

(Kreis la kurseton Hokan Lundberg.)