REVIZII
1. Oficiale elnombri, kontrolante pri taŭgeco, legitimeco kaj simile:

Oni reviziis ĉiujn pasaĝerojn de la aviadilo.
Policanoj faras revizion de ĉiu alvenanta aŭto.

2. Esplorkontroli, por malkovri eventualajn misojn kaj ilin korekti, interalie:

a) trarigardi prespretajn tekstojn, por malkovri kaj korekti la erarojn:

Li reviziis la tekston kaj forigis ĉiujn informojn, pri kiuj neniu devus scii.

b) reekzameni juĝitan aferon laŭ plendo de unu el partioj pri mankoj en la antaŭa proceso:

Juĝisto faris malĝustan decidon kaj mi petos, ke iu reviziu ĉi tiun juĝaferon.

c) esplori la staton de maŝino, farante la necesajn alĝustigojn kaj riparojn, por ke ĝi perfekte refunkciu:

Mia aŭto ial misfunkcias - necesas revizii ĝin.
Ĉiujara revizio de la aviadiloj postulas multe da mono, sed ĝi estas nepra.

3. Modifi, por adapti al nova situacio:

Nova estraro reviziis la statuton de la organizo.